Uncategorized

በኦሮሚያ ክልል የተቀሰቀሰው ተቃውሞ ውጥረት እንደነገሰበት ብሉምበርግ ዘገበ

ኢሳት

ከአዲስ አበባ ማስተር ፕላን ተቃውሞ ጋር በተገናኘ ከሁለት ወር በፊት በኦሮሚያ ክልል የተቀሰቀሰው ተቃውሞ አሁንም ድረስ ውጥረትን አንግሶ እንደሚገኝ ብሉምበርግ የዜና አውታር ማክሰኞ ዘገበ።

ይኸው ከ140 በላይ ለሚሆኑ ሰዎች ሞት ምክንያት የሆነው ተቃውሞና በመንግስት የተወሰዱ እርምጃዎችም ሃገሪቱ በፌዴራሊዝም አልያም በማዕከላዊ የእዝ አስተዳደር ስር ስለመሆኗም ጥያቄ ማስነሳቱን የዜና አውታሩ አስነብቧል።

ለደህንነታቸው ሲሉ ስማቸውን መግለጽ ያልፈለጉ ነዋሪዎች መንግስት ተቃውሞን ለማብረድ የተለያዩ ጥረቶች ቢያደርግም በክልሉ አሁንም ድረስ ውጥረት መኖሩን አስረድተዋል።

የኦሮሞ ፌዴራሊስት ኮንግሬስ ሊቀመንበር የሆኑት ዶ/ር መረራ ጉዲና በበኩላቸው ህዝባዊ ተቃውሞ ህዝቡ የደረሰበትን የፖለቲካ መገለልና ውክልና ማጣት እንዲሁም በሙስና መማረሩን የገለጸበት ሂደት እንደሆነ ገልጸዋል።

የፖለቲካ ተንታኝ የሆኑት አቶ አቤል በለጠ እንዲሁ በኦሮሚያ ክልል የተቀሰቀሰው ተቃውሞ በባለስልጣናት ዘንድ ያልተጠበቀ እንደነበርና የድክመት ምልክት መሆኑን ለብሉምበርግ የዜና ወኪል ተናግረዋል።

በተለያዩ አካባቢዎች የሚኖሩ ነዋሪዎች በበኩላቸው ህዝቡ ያለውን ጥያቄ በሰላማዊ መንገድ እንኳን እንዲያቀርብ መደረጉ አስቆጥቷቸው እንደሚገኝ አስታውቀዋል።

“ያሉንን ጥያቄዎች እንዳንገልፅ መደረጉ ህዝቡ በልማት ሂደት ውስጥ ተሳታፊ አለመሆኑን ማሳያ ነው” ሲሉ ስማቸውን መግለፅ ያልፈለጉ የክልሉ ነዋሪ ለዜና አውታሩ አስረድተዋል።
መቀመጫቸውን በአዲስ አበባ ከተማ ያደረጉና ስማቸውን መግለጽ ያልፈለጉት አምባሳደሮች እንዲሁ የሃገሪቱ አስተዳደር ጠንካራ ቢመስልም ኢትዮጵያ ዘላቂ መረጋጋት የሌላት አገር ናት ሲሉ ለብሉምበርግ ገልጸዋል።

ከሁለት ወር በላይ በዘለቀው “የኦሮሚያ ክልል ተቃውሞ በትንሹ 140 ሰዎች የተገደሉ ሲሆን ወደ አምስት ሺ የሚጠጉ የፓርቲ አባላትና ተማሪዎችም ለእስር መደረጋቸውን የፓርቲ አመራሮችና የሰብዓዊ መብት ተሟጋች ተቋማት ይገልጻሉ።

የኢትዮጵያ የልማት አጋር የሆነው የአውሮፓ ህብረትና አሜሪካ በመንግስት የተወሰደው ግድያ በመኮነን ግድያን የፈጸሙ አካላት ለፍትህ እንዲቀርቡ መጠየቃቸው የታወሳል።

Advertisements

Discussion

No comments yet.

Give a comment

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: