Uncategorized

ነፃ መውጣት እንፈልጋለን አንፈልግም?

ዳዊት ዳባ

ዛሬ እየሰፋ እየገዘፈና ጉልበት እያገኘ የመጣው ህዝባዊ እንቢታ ከዐረቡ ሀገሩ ህዝባዊ አልገዛም ባይነት የጀመረ ይመስለኛል። ያኔ ከዚህ ሥርዓት በዚህም መንገድ መገላገልም ይቻላል ለካ? የሚለው እሰቦት በአዕምሮው ያልዞረ ኢትዮጵያዊ ነበር ለማለት አይቻልም። የሥርዓቱም ደጋፊዎችም ቢሆኑ በግልባጩ እንቅልፍ ያጡበት ጉዳይ ነበር። አልገዛም ባይነቱ በኛ ሀገር ይሄ-ያ ይጎድለዋል። ይህ አደጋ አለው። በዚህ አንመሳሰልም ይሉ የነበሩትም ቢሆን ግምት ውስጥ አስገብተው አስበውበት ስለነበር ነው። ኃላፊነት ወስደው ይሠሩበት የጀመሩ ስብስቦች እርግፍ አድርገው ቢተዉትም። ድርጅቶች የስትራተጂ ለውጥ ቢያደርጉና ትኩረታቸው ወደሌላ ቢያዘነብልም ሂደቱ የሚገታ አልሆነም።

የእስልምና እምነት ተከታይ ወገኖቻችን ትግል በኛ ሀገር ተጨባጭ ሁናቴ ህዝባዊ እንቢተኝነት ማድረግ እንደሚቻል ያስረገጠ ሆነ። አሁን ያለበትን ደረጃ የበዛነው እጃችንን አጣምረን እያየነው ቢሆንም ነፃ የሚያወጣን ትግል ነው። አገዛዙ እንደሥርዓት መቀጠል የማይችልበት ደረጃ ደርሷል።ጊዜው እንደ አንድ ሀገር ህዘብ ከዚህ ዘረኛ፤ አድሏዊ፤ ጨፍጫፊና የደናቁርት ሥርዓት መገላገል እንፈልጋለን አንፈልገም? የሚለውን ጥያቄ የሚያስነሳ ሆኗል።

መንገድ አለመዝጋት ከዘጋችሁ መልሶ ህዘቡ በደቦ ወጥቶ ካልሆነ በወታደር ኃይል ሊከፍተው የማይችል አድርጋችሁ ዝጉ። ሁሉም ያስፋልት መንገድ ላይ ከክምር ላይ ክምር ብቻ እስከጭራሹ ሊነዳበትና ሊፀዳ የማይቻል ማድረግ ያስፈልጋል። በየተወሰነ እርቀት ተቆፍሮ ጉርጓድ ማበጀቱም ጥሩ ነው። ወያኔዎች በቀጣይ ከፍተኛ ጭፍጨፋ ለማድረግ የሚያስችላቸውን ፖለቲካ እየሠሩ ነው። አንዳንድ ለለውጥ ቆመናል የሚሉም የድርሻቸውን እገዛ እያደረጉም ነው። ጫጩት ፊት ፈንግል እንደማይወራ ጠፍቶ ግን አይደለም። ለማንኛውም ዝም ብለህ ተጨፍጨፍ የሚል ሕግ የለም። ትግልም አይደለም። እራስህን በሁሉም መንገድ ተከላከል። የሚከፋቸውና ፖለቲካ ሊሠሩበት የሚሞክሩ እንደሚኖሩ ይታወቃል። ስህተት ጥበቃ ለጉድ አቆብቁበዋል። ያ ችግራቸው ነው። ተገዳላይ ሆይ ትክክልና አግባብነት የሌለውን የግድ መደረግ ካለበት ትለያለህ። “የሚካሄደው ትግል ነው”። የሚቻልህን አይደለም ከሚቻልህም በላይ ጥንቃቄዎችን በያዝከው መንገድ ማድረጉን ቀጥል አለቀ።

መንገዱ ይዘጋ ያኔ ሊገድል ባገሬው የተበተነው ዳቦ በታንክ ይቀርብለት እንደው እናያለን። ለማንኛውም ከመሃከሉ ተቆርጠው የሚቀሩ ወታደሮች የህዝብን ትግል መቀላቀል መፈለጋቸው ስለማይቀር ጥሪም ማድረግ ግንኙነት መፍጠርና፤ ሁኔታዎችን ማመቻቸት ያስፈልጋል። ትግሉን የተመለከተውን በዚህ ልዝጋው፤ የኦሮሞን ህዘብ ከመፍራትም ሆነ ከመጥላት ብቻ በየትኛውም ሰበብ ይሁን ይህን ትግል ከዳር ሆነን ባንመለከተው ኖሮ በዚህ ሣምንት ውስጥ ይህን ሥርዓት ተገላግለን ነበር። ይሄኔ ነፃ ህዝቦች ነበርን።

ጥያቄ 1. አሁን ኦሮሚያ ውስጥ እየሆነ ያለው ምንድን ነው?

ሀ. ግርግር ለ. ግጭት ሐ. ስሜታዊነት መ. መልሱ ከነዚህ ውስጥ አንዱም አይደለም።

ሁላችንም ቢገባን ይህ ህዝብ ለኢትዮጵያዊነት የከፈለው መስዋዕትነት ለኦሮሞነቱ ከከፈለው መስዋዕትነት እጅጉን የበዛ ነው። ድሮም ቢሆን እንደሀገርና ህዝብ የማይታለፍ የሚመስል ችግር ውስጥ በተገባና ባጋጠመ ጊዜ ሁሉ ሊመዘን የማይችል መስዋዕትነትን ከፍሎ አሻግሯል። ኢትዮጵያዊነትን አስቀጥሏል። የዛሬውም ከዛ የተለየ አይደለም። ኢትዮጵያ ትኖራለች። ሊያውም ዴሞክራሲያዊት፤ የዜጎች መብት የሚከበርባት፤ እኩልነት የሰፈነባትና የበለፀገች ሆና። ለዚህ ባህሉ፤ አናኗሩ፤ በሰከነ ሁኔታ መነጋገርና ማሰብ የሚችል መሆኑና አናሳ አለመሆኑ ተጨምሮበት ዛሬ ላይ ሆኖ በልበ ሙሉነት ይህን ለመናገር ያስደፍራል።

እንግዳ የሆነብንና አልመቸን ያለው ይህ ህዝብ ሁሉ ነገር ክሽፈት እየሆነ ስለተቸገረ መዘወርያው ላይ የሚገባውን ቦታ ማግኘት ወሳኝ መፍትሔ አድርጎ መውሰድ ነው። የሚገባውን ድርሻ ይዤ ወሳኝ በሆነ ሁኔታ በሀገራዊ ጉዳይ ላይ አስተዋፆ ካላደረኩ ከዚህ የቁልቁለት መንገድ መውጣት አይቻልም ሲል አጥብቆ ማመኑ ነው። እዛች ሀገር ላይ የተንጋደደው ሚዛኑ ይስተካከል ብሎ በመጮህ ብቻ ሊስተካከል እንደማይችል ማወቁ ነው። ይህ ፍላጎቱና ድምዳሜው ትግሉን በኦሮሞነትም በኢትዮጵያዊነትም እንዲያካሂድ ግድ ማለቱ የፈጠረው ብዥታ ነው። በእርግጥ ይህ ህዝብ ከኢትዮጵያዊነት ጋር ያለውን ቁርኝት ሙሉ በሙሉ አውጥቶ በማየት ረገድ አንዳንድ የኦሮሞ ምሁራኖች ጋርም ስህተቱም ብዥታውም አለ። ለዚህ ገፊ የሆነው ምክንያት ይህን ህዝብ ጠልቆ ካለማወቅና ስር ከሰደደ ጥላቻ የሚዥጎደጎደው የዳቦ ስም ብዛትና ስድብ ነው። ዘረኛ፤ ጠባብ፤ ጎጠኛ፤ ሰውነት ደረጃ ያልደረሰ አውሬ … ማቆሚያ የለውም። ያም ሆነ ይህ ግን በመጨረሻ ዴሞክራሲያዊት የሆነች ኢትዮጵያ ነው የምትኖረን። በነፃነት መምከርና ውሳኔ ላይ ሲመጣ የተንዘላዘለውን ሃሳብ እንደሚገርዘው ጥርጥር የለኝም።

የዶ/ር ብርሃኑን ንግግር ደጋግሜ አዳምጬዋለው። የኦሮሞን ህዝብ ትግል በሚመለከት የተናገረው ጠቅለል አድርጌ የተረዳሁት እየሞቱ ነው እዘኑላቸው። ግን …? በሚል አይነት ነው። “አይታችኋቸዋል” እያለ ሲያወራ ጭቃ እያቦኩ እቃቃ ስለሚጫወቱ የኬንያ ህፃናት የሚያወራም መስሎ ተሰምቶኛል። “ስለማንነትና ዴሞክራሲ ግንባታ” የተናገረው አዳራሽ ሙሉ ጭብጨባ ስለተቸረው፤ ካዛም በኋላ ብዙ ዶ/ሮች ድንቅ ትክክል የሆነ ንግግር ስላሉት ትክክል ነው ብለን እንውሰደው። ለኔ ግን ገና አልገባኝም። እንዲገባኝ ማንነት ማለት ምንድን ነው። ብዙ ማንነት ነው ያለው ስለየትኛው ማንነት ነው? ማንነት ተፈጥሯዊ ነው ፈልገን የምንይዘው ነው? ማንነት ላይ ያልተመሰረተ ፖለቲካ ማካሄድ ይቻላል ወይ? ዴሞክራሲ በሰፈነባቸው ሀገሮች ማንነት የለም ወይ? ማንነት ለዴሞክራሲ ግንባታ እንቅፋት የሚሆነው እንዴት ነው? ንግግሩ ላይ ለዚህ ድምዳሜው አስረጅ አድርጎ ያቀረባቸውን አስረጆች ተያያዥነት አላቸው የላቸውም? ብዙ ብዙ ጥያቄ አጭሮብኛል። በመጨረሻ የምደርስበት ድምዳሜ ዶ/ር ብርሃኑ ያለው ሊሆንም ላይሆንም ይችላል።

ለአሁኑ አሁን ባለው የሀገራችን ተጨባጭ እውነታ ትክክለኛ መስሎ የሚታየኝ ግልፅ አድርጌ ላስቀምጥ። በዋናነት የኦሮሞ ህዝብ የማንነት ፖለቲካ ኢትዮጵያን በቀጥታ ዴሞክራሲያዊት የሚያደርግ ነው። እንደውም ከዚህ ውጪ ኢትዮጵያ ዴሞክራሲያዊ ልትሆን የምትችልበት ዕድል ዜሮ ነው። እንዴት? የሚለውን ከፈለጉ ዶ/ር ብርሃኑን ጨምሮ ሌሎችም እንደኔ ጥያቄዎችን አውጥተው ተመራምረው ስህተተኛ ያድርጉኝ። እንደውም ይህን የተረዱ ምሁራን ኦሮሞ ፖለቲካው ላይ ተፅኖ አድራጊ ከሚሆን ከሚል ነው ለኢትዮጵያ በእርግጥ ዴሞክራሲ ያስፈልጋታል ወይ? በማለት ፈራ ተባ እያሉ ጥያቄውን ማንሳት የጀመሩት። ዕይታዬን ከበድ ላድረገውና በድጋሚ በመሬት ላይ ካለው ተጨባጭ እውነታ በቀጣይ ለሥልጣን እራሳቸውን ከሚያዘጋጁት ውስጥ ከኦሮሞ ብሔርተኞች ውጪ ያሉት በሙሉ ዴሞክራሲያዊ ሊሆኑ አይደለም እስከዛሬ ከነበሩን አንባገነኖች የከፉ ጨፍጫፊ አንባገነን ሳይሆኑ ሥልጣን ላይ አንድ ዓመት መዝለቅ አይችሉም።

እንግዲህ ዴሞክራሲ ሰላማዊ የበለፀገች ኢትዮጵያ እንድትኖር ካለው ወሳኝነት አኳያ በእርግጥ ማነው ለዚህች ሀገር አንድነት አደጋ ሊሆን የሚችለው የሚለውን ጥያቄ ሁሉ ያስነሳብኛል። እኔም ሀገር እንዲኖረኝ እፈልጋለዋ።

ኦቦ ጀዋር አትቸኩል። ብዙ እየሠራህና ትክክለኛነት እያለህ ስህተት ታበዛለህ። የምን ጠላትነት ነው የምታወራው። ጠላትነት የለም። የማንስማማበት ጉዳይ አለ ምን አለ። እውነቱን ልንግርህ ያንን ትውልድ መሰልከኝ። ለነገሩ አንተም አፍሮ ታበጥራለህ መሰለኝ።

አቶ ግርም ካሳ የምን መጨራረስ ነው የምታወራው። ድሮም ሰላማዊም ታጋይም እንዳልሆንክ ጠርጥሬያለው። ሰላማዊ መጨራረስ ነው በለን ደግሞ። መጋኛ መንዘላዘያህን ይጨርሰው ሌላ ምን እላለው። እሱም እኔም ስለማናነበው ቢሞትም ዝም ብለህ ለመለስ ዜናዊ ግልፅ ደብዳቤ ፃፍ። ላስታውስህ አምሳ አንደኛ ግልፅ ደብዳቤ ላይ ነበር ያቆምከው።

ብሔራዊ ጭቆና ያብቃ!

Advertisements

Discussion

No comments yet.

Give a comment

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog Stats

  • 48,125 hits

Top Posts & Pages

%d bloggers like this: