Uncategorized

መታሰር ምንም ማለት አይደለም። አስሮ ሰብአዊ መብትን መጣስ ግን የትም ሀገር የለም! ከአጥናፍ ብርሃኔ

እንደኢትዮጵያ መንግስት ጨካኝ የለም። 4 በ5ሜትር በሆነች ቤት ውስጥ የምንኖረው 23 ሆነን ነው። እዛችው ቤት ውስጥ ለሽንት የምንጠቀመው ባልዲ ነው፣ የሁላችንም ልብስ አንድ ላይ ይቀመጣል። ይህን ተቃውመን የርሀብ አድማ ብናደርግ ‘ከፈለጋችሁ መሞት ትችላላችሁ’ ነው የተባልነው። እኛም ለመሞት ዝግጁ ነን።” ይህን የተናገረው በቀለ ገርባ ፍርድ ቤት በቀረበበት ወቅት ነው።
………
በኢትዮጵያ ላለው መንግስት ሰብአዊ መብት ቅብጠት ነው። ውስጥ እግርህን በኤለትሪክ ገመድ ሊገርፍህ ሲፈልግ “እኛ ለብዙሃኑ እንጂ ለግለሰብ መብት አንጨነቅም” ይልሀል፤ አፍህ ውስጥ የገማ ካልሲ ጠቅጥቆ ሲያበቃ አሁን ስለነጻነት አውራ” እያለ ያሾፍብሃል፤ 24 ሰአት በተዘጋ ጨለማ ክፍል አስገብቶ ብትፈልግ የማታገኘውን ሞትህን ያስመኘሀል በጎን በጠቅላይ ሚኒስቴሩ “ስህተቱን አምነናል፣ ይቅርታም እንጠይቃለን” እያለ ያላግጥብሃል። የመናገር ነጻነትህን ተጠቅመህ ተንሽ ተንፈስ ስትል የቤት አከራይህን በግልምጫ ያዩብሃል፤ በሌለችው ፍትህ እንኳን ፍርድ ቤት ነፃነትህን ሲያውጅልህ ‘በኢትዮጵያ ያለው መንግስት’ የመናገር፣ የመስራትና የመንቀሳቀስ ነጻነትህን ይነጥቅሃል። በኢትዮጵያ ላለው መንግስት ፍርድ ቤት ምኑ ነው? ከእስር ፈቶህ ከእስር ቤት ባለይ ካቴነውን የሚያጠብቅብህ አለም ላይ ያለ ብቸኛው አካል ‘በኢትዮጵያ ያለው መንግስት’ ነው።

12642462_10208348887109624_6063513089178979971_n-2

 

 

 

 

 

 

 

“ባህሌ ጠፋ፣ የማርስበትን አትንጠቁኝ፣ እንደሰው እንቆጠር…” ብለህ ስታምጽ “የመልካም አስተዳደር ችግር ነው” ብሎ ግራ ያጋባሀል። ኦሮሞ ሲያስነጥሰው ኤርትራ አፍንጫውን ነክታው ነው፣ ትግሬ አይደለሁም ሲል የለም ትግሬ ነህ የኤርትራ ሴራ ነው፣ መሬቴ ተወረረ ሲል “ዝም በል አንተ ሻንቅላ” እየተባልክ ብሶትህን ወደ ቂም እያሳደጉት ቂምህን ወደ ጥላቻ እያሸጋገሩት ትግልህን ከነሱ ጋር ሳይሆን እንሱ ከፈጠሩት ቂምና ጥላቻ ጋር ይሆናል። ጥላቻህን እየታገልክ ትኖራለህ፣ እነሱን ላለመጥላት ትተጋለህ። ጥላቻህ እንደማይጠቅምህ ስለምታውቅ ጥላቻህን እየጠላህ እንድትኖር ትገደዳለህ።
‘በኢትዮጵያ ያለው መንግስት’ ጌዜው እያለፈበት ይሆን? ገድሎ፣ አስሮና አሳዶ ሲያበቃ ከማን ጋር ሊታረቅ ነው? ፅዋው ከሞላ በኋላ አጉል መፈራገጥ አንድም ለመላላጥ አንድም ህዝብን ለመፍጀት ካልሆነ በስተቀር መቼም የማይዳፈን ጥያቄን አረመኔያዊ በሆነ ተግባር ለመመለስ መሞከር ሌላ ጥያቄን እየወለደ፣ በደል ቂምንና ጥላቻን እየወለደ እንደአገር ይቅርና እንደሰው መቆም የማንችልበት ደረጃ ላይ እንዳንደርስ ያሰጋናል።
ሰብአዊ መብትን አክብር ማለት ጠፈር ሳይንስ አይደለም፣ እንደዚህ ለማሰብ ሰው መሆን ብቻ በቂ ነው፤ ጊዜው ሳያልፍብህ ሰው ሁንና ተሳስበን እንኑር እንጂ ወንድም አለም።

Advertisements

Discussion

No comments yet.

Give a comment

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: